Sa lunas istanote
in chelos d'anneu:
sa mala fortuna
est contras a Deu.
Sas fozas d'olia
no rezen su nie:
est una traschìa
de die pro die.
Sa 'oghe 'e Maria
est una ninnia:
su nìnnidu lentu
ammajos d'ammentu.
Olvėdat s'anneu
su pòpulu meu.
S'ammentu si ch'andat
che abba in su riu
sa vida non colat
che raju in s'istiu.
Sucutosa de lughe
in s'oru 'e sa nue:
su sole che jughe
in chelu totue.
Sa 'oghe 'e Maria
est una ninnia:
su nìnnidu lentu
ammajos d'ammentu.