Lumera
in sas dies nieddas
Galana
che arvèschida jara
Lentore
in sa terra brujada
ses tue, ses tue
Beranu
chi fiorit su sartu
Isteddu
in sa néula frita
Disizu
de durcuras cuadas
ses tue, ses tue

ponemila una manu subra palas
e caèntami su coro e sa carena
finamenta sas oras pius malas
m'an a parrer un'abba pius lena

Carignu
de arcanos sentidos
Istrina
de flores de monte
Aura
d'istajones fadadas
ses tue, ses tue

ponemila una manu subra palas
e caèntami su coro e sa carena
finamenta sas oras pius malas
m'an a parrer un'abba pius lena